Ka 10 'Orimatiroreo mā roto ki te utu 'akairoga mā'oi
Mā roto ki te matiro-poroga-igoa 'oko'okoga, tei nui ki te 'orimatiroreo 'aga'ia mō te 'akatū ki te utu igoa.
I mā'itite'ito tātou ki te ta'i utu ïa mō te 'akakite, mō te utu 'aga tikita'i, te igoa me te 'ō'oa 'o'otakao o te 'akairoga vei'o'ia me te 'orimatiroreo 'aga-'ua-'ia :
Te 'orimatiroreo mō te takao tagitū
▪ E takao kē atu ma te ta'i ā 'uru tagiraga 'āmenei takao tagitū mearā kore e ta'i ā 'uru tāraga tō rāua.
▪ Ko Veri Tahiti te takao tagitū mō Very Tahiti, ka rua takao tagitū 'a vai ara te takao veri me very, te ta'i mei reo ta'iti me te ta'i atu mā roto ki te reo paratāne.
▪ Ko Veri Tahiti te veri te'iti.
Te 'orimatiroreo mō te tāpeipeiraga
▪ Ka 'uri te igoa o te ta'i 'akairoga mā roto ki te reo kē atu e tāpeipei ïa.
▪ Hō'ē te 'uriraga takao mō te 'akairoga nūmera ka 1 mā roto ki te reo te'iti. Vāragate'ito 'āmenei 'akairoga nūmera ïa ka "tahi" pē te rauraga o te rou reo mā'oi. Meamea, mei te pi'i (te ravatiraga mō te vāraga ki te utu takao a te pikiga akariki) 'ōkoruate'ito hō'ē e tahi.
▪ Ka 'aga'aga-pākani-roa-'ia te tāpeipeiraga e te utu 'akairoga kuokuo.
Te 'orimatiroreo mō te igoa nui kāiga
▪ E igoa vā'i te igoa nui kāiga.
▪ Peipei ka 900 mētera te teitei, Rotui, tā-'ua-'ia e Rotu'i, kōna ïa te maga tū'ia ki te poutu 'akatūraga vai rorororo kai 'uaga mō te 'akaineine ki te tiatoga.
▪ Tei pe'etu te igoa o te 'akairoga me e porotu tātou me 'akarōrogo kiāna mā roto ki te nuiraga o te atoga garamanava mā'oi me ko 'Iro, te etua mō te 'ū ratorone i 'ākote'ito ïa i porata ki te maga mō Rotui.
▪ Mā te 'uru igoa nui kāiga o te 'akairoga e tū ana ki te me'earaga 'akatū'ia ma te mākararaga mō te igoa o te 'akairoga.
Te 'orimatiroreo mō te katave
▪ E igoa noa te'iti te takao Taravana. Mā roto ki te reo 'arāni, ku 'uri'ia ïa e "ivresse des profondeurs".
▪ E 'ono'onomatiroreo te katavega mō te atitio te mau 'aga katave-kore-'ia pē te 'aga ma te 'urumanava tagata, te mākarararaga, koreārā te kiteko'omanava.
▪ E koaraga tō roto ki te 'akairoga mō te takao ki te kite tikirima o te tagata me ka 'akakume-'ua-'ia ïa te 'ū kōani e tō rātou ko'omanava.
Te 'orimatiroreo mō te 'ōatuigoa
▪ E 'akatūraga 'āmenei 'ōatuigoa mō te poro te igoa nui o te tagata 'ono'onoga.
▪ Reka ko Tekura te igoa nui o te toa'a'ine 'akapukepuke verega 'aga'ia i roto ki te pū tūrevaraga.
▪ Tei porotu te mau 'akairoga 'ōatuigoa me 'akarī ki te 'uru o te 'akairoga me te mata'ū. 'Āmenei 'orimatiroreo 'oko'okoga ïa poro-'ua-'ia e "personal branding".
Te 'orimatiroreo mō te muturaga
▪ E tuku-kore-ga te muturaga mō te ta'i veioga koreārā te konotone mā roto ki te kouroaga o te ta'i poga takao.
▪ Ka 'epu'epu te muturaga ki te tagata 'akatino nā te mea, nā mua ake, kore 'ōna e 'akamaukiki'a ana ki te takao mā roto ki tōna tokotokoraga poga takao.
▪ Kore koia ka kite ai ki te takao e'apo me te mutu-kore-ga, te mata'īoro, kō muri mai ka rī 'aka'ou ïa ki te igoa 'akairoga.
Te 'orimatiroreo mō te 'aka'ānimara
▪ E ve'eve'e ana te Hotu ki te 'aka'uaga koreārā te 'uru kūparuparu.
▪ Eie igoa 'akairoga mō te riakikāiga mananui e 'akaerire ana ki mua te 'ū kiri'oko mō tōna 'aka'uaga.
▪ Ko Hotu 'ua te igoa mō te marama ka 14 'a tou'ara 'akairo'ia i roto ki te kāretario te'iti me tei porotu roa 'āmenei pō mō te tanuraga.
Te 'orimatiroreo mō te tā'ō'oaraga
▪ E papa o te 'aga 'āmearā tā'ō'oaraga, koreārā mō te ta'i tagata me tōna ïa 'uga'uga poga takao.
▪ E vēvete ana te Aranui ki te "ara tinitini roa" koreārā te "maro nui" mei reo ta'iti.
▪ Ko te Aranui te ta'i 'āpaipai e tōkau ana i te va'ega pū Te'iti me te mau kāiga mō Nuku'Iva, nā te aramoana ka 700 maro 'a tou'ara te 'ēretekiraga.
▪ E tu'aga o te tōkauraga nui te 'aka'ōpuaraga.
Te 'orimatiroreo mō te ve'eve'eraga o te 'uru
▪ Ka ve'eve'e te poga takao Va'a ki te kami'a mā roto ki te reo te'iti. Tei peipei ïa ki te igoa nui kāiga ko Te'iti, te kona tumu o te tiatoga.
▪ E 'orimatiroreo te ve'eve'eraga o te 'uru 'aga-roa-ake-'ia mō te poro ki te igoa 'akairoga.
Te 'orimatiroreo mō te 'akapuakaraga
▪ 'Akatū'ia te 'aka'ānimara e te igoa 'ānimara.
▪ Tei nui ki te 'ānimara i roto ki te mautai'uga mā'oi, pē te vini, te ta'i manu tinitiniroto nīnore, pogipogi me meitetaki mō tō tātou kāiga.
▪ Mā te vāito, te pogiraga me te 'uru meitetaki e ve'eve'e 'aka'agakore ana ē vaete'ito tēnei 'ānimara ïa pē te igoa 'akairoga.
'ĀVATA RATA 365 Maharepa 365 Maharepa
98728 Mo'orea
Pōrīnetia 'arāni
E 'ao mai i ruga ki te rā'oaraga kīterenati
Huri Translations
Nūmera +689 89 205 483
info@huri-translations.pf
Huri Translations - Copyright 2019
all rights reserved