Te Mana o te Reo 'e te Ti'ira'a Hīro'a

Te I'oa Hō'ē

▪ Te i'oa hō'ē, 'o te hō'ē i'oa e pi'i hia mai te tahi atu i'oa, e aura'a 'ē rā tō te tahi 'e te tahi. Mea ta'a'ē ato'a 'ia pāpa'i ia rāua.

▪ Hō'ē ā pi'ira'a i'oa tō Veri Tahiti 'e tō Very Tahiti, e aura'a 'ē rā tō rāua.

▪ E 'ānimara te Veri Tahiti. 'O Very Tahiti rā, e reo marite teie, e "Tahiti Roa" tōna aura'a.

Te Tāpirira'a

▪ Te tāpirira'a, 'o te rāve'a nō te tāpiri i te tahi i'oa i te tahi atu ma te huri i te reira nā roto i te tahi reo 'ē.

▪ I te mātāmua, e'ere 'o HŌ'Ē tei parau hia ana. Inaha ho'i, 'o TAHI rā. E rave rahi mau reo mā'ohi e pi'i 'o TAHI. Terā rā, nō te pi'i 'o tei topa i tahito ra (e tapu i ni'a i te tahi pu'e ta'o ari'i), nā HŌ'Ē i mono mai i taua ta'o ra.

▪ Mea huru pinepine teie rāve'a nō te mau tāpa'o 'uo'uo.

Te I'oa o te Vāhi

▪ E piri 'o Mou'a Rōtui, (pi'i ato'a hia Rōtu'i) i te 900 mētera i te teitei. E tīraha te mou'a i ni'a a'e i te fare tapiha'a i reira e tāviri hia te vaiharo nō teie tāpa'o.

▪ 'Ua pā te ro'o o te i'oa o teie tāpa'o. Nō roto mai 'oia i te mau 'ā'ai mā'ohi, mai ia Hiro, 'o tei tāmata i te 'eiā ia Rōtui.

▪ Nā te i'oa o taua vāhi ra e fa'aora i te hīro'a o teie tāpa'o.

Te Ha'amanira'a

▪ E ta'o reo tahiti mau 'o Taravana. E tupu te reira 'ia hopu hōhonu roa te ta'ata nā raro i te miti.

▪ E ravera'a vāna'a teie rāve'a 'ihi reo, inaha, e ha'a mani hia te tao'a mai te huru ra ē, mea ora : E peu tā te tao'a, e manava, e mana'o ato'a tōna.

▪ Te 'ati i roto i te tāpa'o, nō te fa'afāriu i te 'aimamau i ni'a i te huru o tōna iho 'ā'au.

Te Pa'era'a

▪ Te pa'era'a, 'o te i'oa e ti'a i te i'oa o te ta'ata i hāmani i te tahi mea.

▪ 'Oia ho'i, 'o Tekura īa te i'oa o te vahine i ha'amau i teie nei taiete ti'a'au rātere.

▪ Te vāhi fa'ahiahia i roto i te pa'era'a, e ta'ata tē ti'a nō te tāpa'o. 'Ua pi'i ato'a hia teie rāve'a 'ihi reo e Personal Branding.

Te Motura'a

▪ Te motura'a, 'o te mo'era'a o te hō'ē vauera ānei, piri-vauera ānei, i roto i te hō'ē ta'o taha'a noa.

▪ E haru te ta'o mutu i te mata o te ta'ata e tai'o nei i te ta'o, inaha ho'i, e'ita te ta'ata i mātau atu ra i taua ta'o ra.

▪ E riro te reira 'ei māere nō te ta'ata tai'o, 'o tē fa'aitoito īa nō te feruri e aha rā te ta'o mutu 'ore, 'oia ho'i, 'o Nacra. I teie nei rā, e 'ite tāmau te ta'ata i taua i'oa mutu, 'o tei riro 'ei tāpa'o.

Te Fafaura'a

▪ Te aura'a o Hotu : 'ua mā'a hia.

▪E fafau teie tāpa'o repo ha'apori ē, e hotu ihoā te mea i tanu hia e te hōani.

▪ 'O Hotu ato'a te i'oa o te pō 14 o te tārena tahiti. E pō tano maita'i nō te tanu.

Te Fa'ahōho'ara'a

▪ Te fa'ahōho'ara'a, 'o te pi'ira'a hia i te tahi mea ma te parau i te hō'ē noa tuha'a o te reira mea.

▪ Te aura'a o Aranui, e "haere'a roa".

E pahī te Aranui, e fano nā te mau motu Nu'uhiva mā, e ho'i ai i Tahiti. E hau atu i te 700 maire i te ātea ia Tahiti.

▪ E ti'a te i'oa o te tāpa'o nō te mau tere ato'a o te pahī.

Te Tātarara'a

▪ Va'a, e ta'o nā roto i te reo tahiti teie. 'Ua tāpiri hia 'oia i te i'oa 'o Tahiti, te fenua nō reira mai teie tāpa'o.

▪ E rāve'a pinepine te Tātarara'a nō te ma'iri i te i'oa o te tahi tāpa'o.

Te ha'amanura'a

▪ Te ha'amanura'a, 'o te tahi i'oa 'o tei topa 'e te hō'ē i'oa manu ānei, pua'a ānei, i'a ānei.

▪ 'Ua rau huru 'ānimara i roto i te orara'a o te ao mā'ohi, mai te vini ho'i : E manu pe'epe'e, na'ina'i 'e te hāviti maita'i nō roto mai i te fenua nei.

▪ Tē ta'a hia ra nō tōna nehenehe, tōna vitiviti 'e tōna na'ina'i i mā'iti hia ai teie manu 'ei i'oa nō teie tāpa'o.

10 Rāve'a 'Ihi Reo fa'a'ohipa hia i roto i te Ti'ira'a Hīro'a

I roto i te mātete o te topara'a i'oa, 'ua rau te mau rāve'a 'ihi reo e fa'a'ohipa hia.

'Ua mā'iti mātou i nā 'ahuru tāpa'o mā'ohi ma te fa'a'ite i tō rātou mau i'oa, mau taipe 'e te mau rāve'a 'ihi reo i fa'a'ohipa hia nō te tāpa'o tāta'i tahi.