Ko e Mafi ʻo e Leá mo e ʻĪmisi Fakapolinisiá

Mēmipa ʻo e Kautaha Liliu Lea ʻa ʻAmeliká (American Translators Association)

Ko e Huri Translations ko ha Mēmipa Tuʻumaʻu ia ʻo e Kautaha Liliulea ʻa ʻAmeliká [American Translators Association].

NGAAHI KAVEINGA NGĀUÉ

ʻOku fakautuutu pē e tupu mālohi ʻa e tukuifonua ʻĒsia-Pasifikí ʻi he ʻekonōmika ʻa e māmaní pea ʻoku mau tui ʻe hanga ʻe he ngaahi founga anga fakafonua fisifisimuʻa ʻa e tukuifonua ko iá ʻo teke e tupulaki fakaemāmani lahi ʻa e māketí.

Ko ʻemau taumuʻá ke paotoloaki e ʻotu motu Polinisiá mo feau e ngaahi fiemaʻu ʻemau kau kasitomaá ʻi he ngaahi poloseki ki he lea fakafonuá mo e anga fakafonuá.

FEKAUʻAKI MO KIMAUTOLÚ

Ko e Huri Translations ko ha kautaha faifaleʻi (consulting) ia ʻoku tuʻu ʻi Mo'orea, Falanisē Polinisia.

Naʻe fokotuʻu ʻa e kautahá ʻi he 2008 pea ʻokú ne tokoniʻi mo ʻoatu ki heʻenau kau kasitomaá ha ngaahi tokoni ki he leá mo e ʻilo ki he anga fakafonuá.

ʻOku tokoni e Huri Translations ki he kakai ʻoku ʻi ai haʻanau pisinisí ke fakafeʻungaʻi ʻenau koloá ʻo tuha mo e taimí pe feituʻú pea fai ha tokoni ʻaki hano fakaʻaongaʻi ha ngaahi taukei fisifisimuʻa he lea fakafonuá mo ha ngaahi ʻīmisi faka-Polinisia ke hoko ko ha fakaivia.

ʻOku tuifio ai e ngaahi tuʻutuʻuni ki he taukei fakamāketí mo e tufunga leá, fakaʻuhingá mo e ngaahi moʻoniʻi meʻá, pea ʻoku faʻu ʻe he fakafofongá e hingoa fakakautahá - ʻo ui ko e fakatauhingoá (branding) - ke ne feau e ngaahi poloseki fakahingoá, faʻu ha ngaahi fakatātā fakaekautaha (logos), hingoa fakaʻilonga (taglines) mo e alā meʻa pehē.